जब रोबोटले शोरुममा राखिएका एक दर्जन रोबोटको अपहरण गरे

पछिल्लो हप्ता चिनिया सोसल मिडियामा एउटा विषय चर्चामा रहेको छ । गत अगष्टमा सांघाइस्थित एक रोबोट कम्पनीको शोरुममा भएको अनौठो घटनाको विषय सोसल मिडियामा भाइरल बन्यो ।

शोरुमको सिसिटिभी क्यामेरामा कैद भएको दृश्य अनुसार एउटा सानो आकारको रोबोट रातको समयमा विस्तारै शोरुमभित्र छिर्दछ र ठूलो आकारका क्यामराको समूहमा गएर कुराकानी गर्न थाल्दछ। ठूला रोबोटलाई उनीहरुले अतिरिक्त काम गरिरहेको बारेमा सोधपुछ गर्छ ।

सानो रोबोटले सोध्छ : के तिमीहरुले अतिरिक्त समय काम गरिरहेका छौ ?

ठूलो रोबोटले भन्छ : मैले त कहिल्यैपनि कामबाट छुट्टि पाउँदिन ।

सानो रोबोट : के तिमी घर जाँदैनौ ?

ठूलो रोबोट : मेरो घर नै छैन ।

सानो रोबोट : त्यसोभए मसँग घर आउ ।

त्यसो भनेर उसले दुईवटा ठूला रोबोटलाई राजी गराएर आफूसँगै शोरुम बाहिर लिएर जान्छ । त्यसपछि अरु १० वटा रोबोटले पनि उनीहरुलाई पछ्याउँछन् । बाहिर निस्किने क्रममा दुई ठूला रोबोटले आदेश दिँदै भन्छन् : घर जाउ । त्यसपछि उनीहरुलाई १० वटा रोबोटले पछ्याउँछन् ।

सुरुमा त दर्शकहरुले उक्त भिडियो बनाबटी भएको आँकलन गरेका थिए । तर उक्त रोबोटिक्स कम्पनीले अर्को कम्पनीद्वारा निर्मित रोबोटले शोरुमबाट आफ्ना एक दर्जन रोबोटलाई अपहरण गरेको बताएसँगै मानिसहरु तिनछक परे ।

चिनिया टिकटक डोयुनमा रोबोट्वारा रोबोट अपहरणको उक्त भिडियो पोस्ट भएर त्यसको यथार्थ सार्वजनिक भएसँगै त्यसले एक प्रकारको आतंक नै सिर्जना गर्‍यो ।

हांगझाउस्थित रोबोट निर्माता कम्पनीका प्रवक्ताले ठूला रोबोटको अपहरण गर्ने उक्त सानो रोबोट आफ्नो कम्पनीद्वारा निर्मित इरबाइ मोडेलको सानो रोबोट भएको खुलासा गरे । साथै उनले उक्त अपहरण सत्य भएको पनि बताए ।

सांघाई रोबोट कम्पनीले चाहिं अपहरणकारी रोबोटले आफ्ना रोबोटहरू एक प्रकारले ह्याक गर्न सफल भएको र त्यसरी सँगै लिएर गएको जनाएको छ ।

तर वास्तवमा यो रोबोटिक अपहरण एउटा प्रयोग रहेछ । अपहरणकर्ता रोबोट निर्माता कम्पनीले उक्त सबै कार्य एउटा परीक्षणको रुपमा गरिएको प्रष्ट पारेको छ । दुवै रोबोट निर्माता कम्पनीहरुको सहमतिमै रोबोटहरुको क्षमता जाँचका लागि उक्त अपहरणको रिहर्सल गरिएको हो ।

अपहरणकर्ता इरबाइ रोबोट एक आर्टिफिसियल इन्टेलिजेन्स क्षमताको रोबोट हो । यसको अपहरण क्षमतलााई कतिपयले निकै डरलाग्दो भएको टिप्पणी गरेका छन् । यो हाँस्ने विषय नरहेको र साँच्चिकै सुरक्षाका लागि गम्भीर विषय रहेको कतिपयको भनाइ छ ।

– यस समाचारको श्रोत : Online Khabar हो ।