जसपा नेपालको महाधिवेशन : राजनीतिक प्रतिवेदनमाथि समूहगत छलफल सुरु

२९ जेठ, काठमाडौं । जनता समाजवादी पार्टी (जसपा) नेपालको महाधिवेशन अन्तर्गतको बन्द सत्रमा समूहगत छलफल सुरु भएको छ ।

पार्टी अध्यक्ष उपेन्द्र यादवद्वारा प्रस्तुत राजनीतिक प्रतिवेदनउपर छलफल गर्न प्रतिनिधिहरूलाई १० समूहमा विभाजन गरिएको हो ।

प्रत्येक समूहबाट टोली नेता चयन हुने र टोली नेताले प्रतिवेदनमाथि आफ्नो समूहमा उठेका विचार र निष्कर्ष प्रस्तुत गर्नेछन् । प्रत्येक समूहमा १२० जना प्रतिनिधि रहेका छन् ।

महाधिवेशनमा नेतृत्व चयनका लागि बुधबारदेखि निर्वाचन प्रक्रिया अगाडि बढाइने छ । सोमबार जनकपुरमा जसपा नेपालको महाधिवेशन सुरु भएको थियो ।

– यस समाचारको श्रोत : Online Khabar हो ।