टक शो विवादमा स्वस्तिमाले माफी मागिन्

काठमाडौं । टेलिभिजन टक शो विवादमा अभिनेत्री स्वस्तिमा खड्काले माफी मागेकी छन् । जसिता गुरुङले इन्स्टाग्रामबाट दिएको प्रतिक्रियाको कमेन्टमा स्वस्तिमाले भावनामा चोट पुर्‍याएको भन्दै माफी मागेकी हुन् ।

माफी माग्दै स्वस्तिमा लेख्छिन्, ‘म तपाईंको भावनामा चोट पुर्‍याएकोमा माफी चाहन्छु । यो एक रमाइलो कार्यक्रम थियो र आवेगसहित कुराहरु बाहिर आयो । तपाईं मेरा लागि सँधै महान साथी हुनुहुन्थ्यो । फेरि पनि म माफी चाहन्छु ।’

यसैसाता एक टेलिभिजनको टक शोमा स्वस्तिमा र अभिनेत्री साम्राज्ञी शाह अतिथिको रुपमा पुगेका थिए । ओसिन सिटौलाले होस्ट गरेको कार्यक्रममा गेम खेल्ने भन्दै अनमोल, जसिता लगायतका कलाकारका व्यक्तिगत कुराहरु पनि गरिएको थियो ।

यो विवादमा अनमोल र जसितासहितका कलाकारले प्रतिक्रिया दिइसकेका छन् ।

– यस समाचारको श्रोत : Online Khabar हो ।