डेपुटी गभर्नर ढुंगाना मातहत आर्थिक अनुसन्धान विभाग
११ फागुन, काठमाडौं । नेपाल राष्ट्र बैंकमा डेपुटी गभर्नर डा. निलम ढुंगाना तिम्सिनाबाट बैंक सुपरीवेक्षण विभागको जिम्मेवारी काटेर आर्थिक अनुसन्धान विभागको जिम्मेवारी दिइएको छ ।
गभर्नर महाप्रसाद अधिकारीले बैंक सुपरीवेक्षण विभागले सिधै आफैंलाई रिपोर्टिङ गर्ने गरी आफू मातहत राखेका छन् ।
डेपुटी गभर्नर ढुंगाना मातहत रहेको उक्त विभागलाई गभर्नर अधिकारीले आफू मातहत राख्दै ढुंगानाको मातहतमा रहेन गरी आर्थिक अनुसन्धान विभाग राखेका हुन् ।
बैंक सुपरीवेक्षण विभागले अब सिधै गभर्नरलाई रिपोर्टिङ गर्नुपर्ने भएको छ । यता गभर्नरले आफूमातहत रहेको आर्थिक अनुसन्धान विभागलाई भने डेपुटी गभर्नर मातहत रहने गरी हेरफेर गरेका हुन् ।
अब गभर्नर मातहत बैंक सुपरीवेक्षणका साथै गभर्नरको कार्यालय र वित्तीय जानकारी इकाइ रहने छ ।
राष्ट्र बैंकको बैंक सुपरीवेक्षण विभाग प्रमुखमा कार्यकारी निर्देशक देवकुमार ढकाल छन् भने आर्थिक अनुसन्धान विभाग प्रमुखमा कार्यकारी निर्देशक डा. प्रकाशकुमार श्रेष्ठ छन् ।
– यस समाचारको श्रोत : Online Khabar हो ।