डोटीमा जिपले मोटरसाइकललाई ठक्कर दिँदा एक जनाको मृत्यु

२ मङ्सिर,डोटी । डोटीको शिखर नगरपालिका–८ खुनस्थित भीमदत्त राजमार्गमा जिपले मोटरसाइकललाई ठक्कर दिँदा एक जनाको मृत्यु भएको छ । मृत्यु हुनेमा  दिपायल सिलगढी नगरपालिका–१ सिर्खोलीका ३२ वर्षीय लोकेन्द्र साउद रहेको प्रहरीले जनाएको छ ।

शनिबार साँझ डडेल्धुराबाट दिपायलतर्फ आइरहेको मोटरसाइकललाई जिपले ठक्कर दिएको हो ।

दुर्घटनामा घाइते भएका मोटरसाइकल चालक प्रकेश विकलाई सुजङ्ग अस्पतालमा सामान्य उपचारपछि थप उपचारको लागि धनगढी पठाइएको छ ।

ठक्कर दिने जिप र त्यसका चालकको खोजी भइरहेको जिल्ला प्रहरी कार्यालयले जनाएको छ ।

– यस समाचारको श्रोत : Online Khabar हो ।