तारागाउँ रिजेन्सी होटलको नाफा ७१ प्रतिशत बढ्यो

२९ माघ, काठमाडौं । हायात होटल सञ्चालन गर्दै आएको तारागाउँ रिजेन्सी होटल कम्पनीको नाफा ७१ प्रतिशत बढेको छ । कम्पनीले सार्वजनिक गरेको दोस्रो त्रैमासिक वित्तीय विवरणअनुसार कम्पनीले १८ करोड १६ लाख रुपैयाँ खुद नाफा कमाएको छ । कम्पनीले अघिल्लो आर्थिक वर्षको दोस्रो त्रैमासमा १० करोड ६१ लाख रुपैयाँ खुद नाफा कमाएको थियो ।

कम्पनीको कुल आम्दानी बढ्दा नाफामा टेवा पुगेको देखिन्छ । गत आर्थिक वर्षको दोस्रो त्रैमासमा ५३ करोड ११ लाख आम्दानी रहेकोमा यो वर्षको सोही अवधिमा ६३ करोड ८५ लाख रुपैयाँ छ ।

पर्यटकीय व्यावसायिक गतिविधिमा सुधार भएसँगै आम्दानी र नाफामा टेवा पुगेको कम्पनीको विवरणपत्रमा उल्लेख छ । कम्पनीको प्रतिसेयर आम्दानी ९ रुपैयाँ ६३ पैसा रहेको छ । कम्पनीको प्रतिसेयर नेटवर्थ १४५ रुपैयाँ ६४ पैसा छ ।

– यस समाचारको श्रोत : Online Khabar हो ।