दशरथ रंगशालामा खेलकुद बाहेकको कार्यक्रम नगराउन मन्त्रालयको निर्देशन
२ चैत, काठमाडौं । नेपाल युवा तथा खेलकुद मन्त्रालयले दशरथ रंगशालाको कमजोर मैदानको स्थितीलाई मध्यनजर गर्दै खेलकुद बाहेकको कार्यक्रम दशरथ रंगशालामा नगराउन राष्ट्रिय खेलकुद परिषद(राखेप)लाई निर्देशन दिएको छ ।
नेपालले फिफा विश्वकप छनोट अन्तर्गतको खेल घरेलु मैदानमा मैदानको खराब स्थितीको कारण खेल्न नपाउने कुरालाई जोड्दै मन्त्रालयले शुक्रबार विज्ञप्ति जारी गरेको हो ।
दशरथ रंगशाला हाल जुनसुकै निजी प्रायोजनका लागि पनि प्रयोग हुन थालेपछि खेलकुद मन्त्रालयले राखेपलाई जिम्मेवारीप्रति ध्यानाकर्षण गराउँदै विज्ञप्ती जारी गरेको हो ।
मन्त्रालयले शुक्रबार मन्त्रालयको अफिसियल फेसबुक पेजबाट दशरथ रंगशालाको मर्मतका लागि राखेपको ध्यानानकर्षण गराएको हो ।
यस विज्ञप्तीमा मन्त्रालयले देशैभरिरहेका रंगशालाहरुको मापदण्डसहितको कार्यविधी जारी तथा खेल क्यालेन्डर समेत सार्वजनिक गर्ने तयारी रहेको विज्ञप्तीमा जानकारी गराइएको छ ।
हेर्नुहोस् विज्ञप्ति :
– यस समाचारको श्रोत : Online Khabar हो ।