छिटै आउनसक्छ एक्सको सुपर एप, एलन मस्कले गरे यस्तो संकेत
गत वर्ष सार्वजनिक एक रिपोर्टमा सोसल मिडिया प्लाटर्फम एक्सका मालिक एलन मस्कले एउटा सुपर एप निर्माणमा काम गरिरहेको उल्लेख थियो । सो एप आएसँगै एउटै एपबाट विभिन्न खालका कामहरु गर्न सकिनेछ ।
एलन मस्कले @teslaownersSV नामक एक्स अकाउन्टमा हालै एउटा पोस्ट गरेका छन् जुन एउटा प्रोमो भिडियोको रुपमा रहेको छ।
सो प्रोमो भिडियोमा एक्सको लोगो समावेश छ र त्यसमा THE EVERYTHING APP लेखिएको छ ।
के के हुन्छ सुपर एपमा ?
वास्तवमा सुपर एप भनेको एउटा यस्तो खालको एप हो जसमा विभिन्न खालका सुविधाहरु उपलब्ध हुन्छन् ।
उदाहरणका रुपमा एक सुपर एपमा सोसल मिडिया एपदेखि लिएर अनलाइन सपिंग र पेमेन्टसँगै यात्राका लागि टिकट बुकिङ सम्मका सुविधाहरु उपलब्ध हुन्छन् ।
उसो त एक्सले गत डिसेम्बरमै अमेरिकामा मनी ट्रान्सफरको लाइसेन्स प्राप्त गरिसकेको छ । तर यसका विषयमा आधिकारिक करुपमा एक्सले अहिलेसम्म कुनै पनि जानकारी दिएको छैन । उक्त लाइसेन्स प्राप्त भएपश्चात् एक्समा भुक्तानी ट्रान्सफर गर्ने सुविधा उपलब्ध हुन सक्दछ । त्यसपछि एक्स प्रयोगकर्ताले एक अर्काको एक्स अकाउन्टै पैसाको कारोबार गर्न सक्दछन् ।
– यस समाचारको श्रोत : Online Khabar हो ।