दुई मैत्रीपूर्ण खेल खेलेर फुटबल टोली स्वदेश फर्कियो

३ मंसिर, काठमाडौं । ताजिकिस्तानमा दुई मैत्रीपूर्ण खेल खेलेर नेपाली राष्ट्रिय फुटबल टोली सोमबार साँझ स्वदेश फर्किएको छ । टोलीलाई अखिल नेपाल फुटबल संघ (एन्फा) अध्यक्ष पंकज विक्रम नेम्वाङ लगायत एन्फा पदाधिकारीले स्वागत गरे ।

फिफा विन्डो अन्तर्गत त्रिदेशिय मैत्रीपूर्ण खेल खेल्न ताजिकिस्तान गएको थियो । जहाँ बुधबार भएको पहिलो खेलमा नेपाल घरेलु टोली ताजिकिस्तानसँग ४-० ले पराजित भएको थियो ।

शनिवार भएको दोस्रो मैत्रीपूर्ण खेलमा नेपालले अफगानिस्तानलाई हराएको थियो । नेपालका लागि जिलेस्पीजंग कार्की र रोहित चन्दले गोल गरे  ।नेपालले ७ खेलको जितवििहन यात्रा टुङ्ग्याउँदै पहिलो जित हात पारेको हो ।

– यस समाचारको श्रोत : Online Khabar हो ।