मुक्तिनाथ म्युचुअल फन्ड १ मा २० गतेदेखि आवेदन खुल्ने
१० मंसिर, काठमाडौं । मुक्तिनाथ विकास बैंकको कोष प्रवद्र्धनमा मंसिर २० देखि म्युचुअल फन्ड निष्कासन हुने भएको छ । ‘मुक्तिनाथ म्युचुअल फन्ड १’ मा लगानी गर्न इच्छुकले आवेदन दिन सक्नेछन् ।
अंकित मूल्य प्रतिइकाइ १० रुपैयाँका दरले कुल १० करोड इकाइ निष्कासन हुनेछ। जसमध्ये कोष प्रवद्र्धक र योजना व्यवस्थापकलाई छुट्याएर बाँकी रहेको ८ करोड ५० लाख इकाइ सार्वजिनक निष्कासन हुनेछ ।
सर्वसाधारणले छिटोमा मंसिर २४ गतेसम्म आवेदन दिन सक्नेछन् । अनलाइन प्रणाली मेरोसेयरमार्फत आवेदन दिन सकिनेछ । १० वर्षे अवधिको यस बन्दमुखी योजनामा न्यूनतम १ सय इकाइ अर्थात् १ हजार रुपैयाँ लगानी गर्न सकिनेछ । अधिकतम १ करोड इकाइ खरिद गर्न सकिने मुक्तिनाथ क्यापिटलले जनाएको छ । बन्दमुखी योजना भएकाले यो सेयर बजारमा सूचीकृत भइ कारोबार हुनेछ ।
हाल बजारमा विभिन्न नामका ३६ योजनाहरु सूचीकृत छन् । यीमध्ये कतिपय योजना बजारमै १० रुपैयाँभन्दा न्यून मूल्यमा पनि पाइने गरेको छ ।
– यस समाचारको श्रोत : Online Khabar हो ।