Main
दुर्गालालको कविता: धन्य चणिकलाल
चणिकलाल हे तामाङ केटो !
हे काभ्रेली ज्यान !
छिनभर नै होस् देखें तिम्रो
त्यो उत्साह महान् !
भावविभोर म यत्ति भएछु
आज छिनैभरमा !
अन्यमनस्कै ढोग्न पुगें म
तिम्रो तस्बिरमा !
हेर्दै सायद टोलायो कि
त्यो उच्छल छालै !
अझ झस्क्यो पनि होला सायद
त्यो निर्मम कालै !
हो, तिम्रो त्यो साहस नै हो
मान्छेकै गौरव !
हुन्छु चणिक, अब हुन्छु म मान्छे
सुँघ्दै त्यो सौरभ !
– यस समाचारको श्रोत : Online Khabar हो ।