Main
राष्ट्रिय फेन्सिङमा मिनलाई स्वर्ण
४ असार, काठमाडौं । नेपाल आर्मीका मिन कार्कीले छैठौं राष्ट्रिय फेन्सिङ प्रतियोगिताको पुरुष व्यक्तिगत ईपीमा मंगलबार स्वर्ण जितेका छन् ।
एपीएफका जंग गिरी दोस्रो तथा बागमती प्रदेशकाद्वय टार्जन दाहाल र शुलभ सुनुवार तेस्रो भए ।
नेपाल फेन्सिङ संघको आयोजनामा त्रिपुरेश्वरस्थित राष्ट्रिय खेलकुद परिषद्को कभर्ड हलमा भइरहेको प्रतियोगिताको महिला व्यक्तिगत फोइलमा बागमतीकी गोमा आचार्य पहिलो भइन् । एपीएफकी मन्दिरा थापा दोस्रो तथा आर्मीकी आशा गुरुङ र एपीएफकी अनिता अधिकारी तेस्रो बने ।
महिला टिम ईपीमा एपीएफ पहिलो, गण्डकी दोस्रो तथा सुदूरपश्चिम प्रदेश र कोशी प्रदेश तेस्रो भए । प्रतियोगिता बुधबार सम्पन्न हुनेछ ।
– यस समाचारको श्रोत : Online Khabar हो ।