नेदरल्याण्ड्सको पुनरागमन जित

२ असार, काठमाडौं । वाउट वेघोर्स्टले खेल सकिन सात मिनेट अघि गरेको गोल मदतमा नेदरल्याण्ड्सले युरो २०२४ मा पोल्याण्डमाथि पुनरागमन जित निकालेको छ ।

समूह डी अन्तर्गत आइतबार भएको खेलमा नेदरल्याण्ड्सले एक गोलले पछि परेको स्थिती उल्टाउँदै पोल्याण्डलाई २-१ ले पराजित गरेको हो ।

ह्यामवर्षस्थित भोल्कपार्कस्टेडियममा भएको खेलको १६औं मिनेटमा  आडम बुस्काले गोल गर्दै पोल्याण्डलाई पहिले अग्रता दिलाएका थिए । तर त्यो अग्रता लामो समय टिक्न सकेन ।

कोडी गाक्पोले २९औं मिनेटमा डच टोलीका लागि बराबरी गोल फर्काए ।

बराबरीतर्फ अग्रसर खेलेको ८३औं मिनेटमा वाउट वघोर्स्टले गोल गर्दै नेदरल्याण्ड्सलाई २-१ को जित दिलाए ।

जितपछि नेदरल्याण्ड्सले ३ अंक जोडेको छ ।

Photo : UEFA/UEFA via Getty Images

– यस समाचारको श्रोत : Online Khabar हो ।