Main
नेपालको इनिङ्स सम्हाल्दै देव र आकाश
१२ माघ, काठमाडौं । नेपालका कप्तान देव खनाल र आकाश त्रिपाठीले आइसीसी यू-१९ विश्वकपमा अफगानिस्तानविरुद्ध टोलीको इनिङ सम्हालेका छन् ।
जितको लागि १४६ रनको मध्यम विजयी लक्ष्य पछ्याएको नेपालले १९ ओभरमा ३ विकेट गुमाउँदै ६२ रन बनाएको छ ।
देव खनाल ४२ बलमा ४ चौकासहित २९ तथा आकाश त्रिपाठी २८ बलमा १ चौकासहित ११ रनमा नट आउट छन् । चौथो विकेटका लागि देव र आकाशले ३८ रनको साझेदारी गरेका छन् ।
नेपालको सुरुवात भने राम्रो हुन सकेन । तीव्र गतिका बलर फरिदुनले पाँचौं ओभरको दोस्रो अर्जुन कुमाललाई १० रनमा बोल्ड आउट गरेका थिए ।
खलिल अहमदको बलमा गुल्शन झा १२ बलमा १ रन बनाउँदै बोल्ड हुन पुगे ।
नवौं ओभरको पहिलो बलमा खलिल अहमदले ओपनर विपिन रावललाई योर्करमा २ रनमा एलबीडब्लू आउट गरेपछि नेपाल ८.१ ओभरमा २४–३ को अवस्थामा पुगेको थियो ।
– यस समाचारको श्रोत : Online Khabar हो ।