‘भ्वाइस’बाट चम्किएका विनयले ल्याए ‘जब तिमी एक्लै थियौ’
काठमाडौं । ६० को दशकमा लोकप्रिय बनेको ‘जब तिमी एक्लै थियौं’ गीतबाट गायन यात्रा सुरु गरेका विनय कार्की क्षेत्रीले नयाँ गीत रिलिज गरेका छन् । उनको नयाँ गीतको बोल छ- किन छिन् छिन् !
कमल खत्रीको रचना र संगीतमा तयार भएको गीतमा उनले अञ्जना सारुसँग युगल गायन गरेका छन् । गायिका सारू ‘इमेज लोक कलाकार सिजन १’की विजेता हुन् ।
गीत रिलिजपछि विनयले ‘जब तिमी एक्लै थियौं’ बोलको गीतको लोकप्रियता सम्झदै त्यसपछिको समय करिब ७ वर्ष संगीत संयोजनमा व्यस्त भएकोले गायनमा समय दिन नसकेको बताए । कार्कीले अब भने आफू नियमित रुपमा गायनमा सक्रिय हुने बताएका छन् ।
गायनमा पुनः सक्रिय हुनकै लागि उनले ‘भ्वाइस अफ नेपाल, सिजन २’को मञ्च रोजेका थिए । ब्लाइन्ड अडिसनमा ‘भूमो’ गीत गाएका विनयका लागि त्यतिबेला चारै जना जजले हरियो बर्जर बजाएका थिए ।
उनको यो गीतको अडिसन भिडियो सामाजिक संजालमा भाइरल बनेको थियो । यद्यपि उनी दोस्रो चरणमै निराश हुनुपर्यो । उनले अब पुनः दर्शकको मन जित्ने अभियानमा लागेको बताउँदै त्यही सिलसिलामा ‘किन छिन् छिन्’ बोलको गीत रिलिज गरेको बताए । आफ्नो गीत श्रोताले मनपराउनेमा उनी आशावादी छन् ।
विनय पछिल्लो समय युट्युव तथा टेलिभिजनमा लोकप्रिय रहेका टेलिश्रृखंलाका पाश्र्वसंगीतकारसमेत हुन् । उनले ‘बुहारी’, ‘हल्कारा माइलो’, ‘जुठे’, ‘नारी’ गरी दर्जन बढि टेलिश्रृखंलामा पाश्वका पाश्र्वसंगीत दिएका छन् ।
गीतको भिडियो नितिन चन्दको निर्देशनमा तयार पारिएको छ । भिडियोमा श्रद्धा क्षेत्री, विक्रम पोखरेल र आरोही कार्की क्षेत्रीको अभिनय छ ।
– यस समाचारको श्रोत : Online Khabar हो ।