Main

कैलालीमा कुलोको इन्टेकमा डुबेर एक जनाको मृत्यु

४ असार, धनगढी । कैलालीमा कुलोको इन्टेकमा नुहाउने क्रममा डुबेर एक व्यक्तिको मृत्युु भएको छ ।

जानकी गाउँपालिका–५ अमौरामा कुलरिया खर्गाैली बड्काबिच्की कुलाको इन्टेकमा नुहाउने क्रममा १८ वर्षीय कैलाश बिष्टको मृत्यु भएको प्रहरीले जनाएको हो ।

जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) कविन्द्रसिंह बोहोराले मंगलबार दिउँसो नुहाउने क्रममा डुबेर बिष्टको मृत्यु भएको जानकारी दिए ।

बिष्ट लम्कीचुहा नगरपालिका–५ थापापुरका स्थानीय बासिन्दा हुन् ।

मृतकको शव परीक्षणका लागि टीकापुर अस्पतालमा राखिएको प्रहरीले जनाएको छ ।

– यस समाचारको श्रोत : Online Khabar हो ।

Related Articles

Back to top button