टप १० ब्रोकर कम्पनीमार्फत कति भयो सेयर किनबेच ?

९ साउन, काठमाडौं । बुधबार धितोपत्र बजारमा कुल १६ अर्ब २० करोडको कारोबार भयो । यो कारोबार २०७८ भदौयताकै उच्च हो ।

यो कारोबार रकममा टप १० ब्रोकर कम्पनीहरुले कुल ५ अर्ब ६६ करोडको सेयर खरिद गर्दा ५ अर्ब ७२ करोडको बिक्री गरेका छन् । समग्रमा टप १० ब्रोकर कम्पनीको खरिदभन्दा बिक्री रकम धेरै देखिन्छ ।

तर ब्रोकर संख्याका आधारमा ६ वटाको खरिद धेरै हुँदा ४ वटाको बिक्री धेरै छ । नासा, इम्पेरियल, सनी, अनलाइन, दिपशिखा र अग्रवाल सेक्युरिटिजबाट खरिद धेरै भएको छ । त्यस्तै भिजन, डायनामिक, आर्यतारा र एबीसी सेक्युरिटिजबाट भने बिक्री धेरै भएको छ ।

कुल कारोबार रकममा टप १० ब्रोकर कम्पनीको अंश ३५ प्रतिशत छ । बुधबार पनि धेरै कारोबार गर्नेमा नासा अगाडि रह्यो । सो कम्पनीमार्फत ८४. ५२ करोडको धितोपत्र खरिद गर्दा ७९.३४ करोडको बिक्री भयो ।

टप १० ब्रोकर कम्पनीमार्फत सबैभन्दा धेरै रकमको कारोबार हुने कम्पनीहरुमा सोल्टी होटल, एनआरएन इन्फ्रास्ट्रक्चर, शिवम् सिमेन्ट, माथिल्लो तामाकोशी, हिमालयन रिइन्स्योरेन्स, नेपाल पुनर्बीमा लगायत छन् ।

बुधबार उच्च रकमको धितोपत्र कारोबार गरेका ब्रोकर कम्पनी

ब्रोकर कम्पनी
खरिद रकम (करोडमा)
बिक्री रकम (करोडमा)

नासा
८४.५२
७९.३४

इम्पेरियल
७९.१९
७२.५४

भिजन
६६.५६
७८.०७

डायनामिक
४९.९२
५८.३०

सनी
५५.७६
५२.१०

आर्यतारा
५१.६४
५२.७७

अनलाइन
५०.८०
४९.८१

दिपशिखा
५०.१६
४५.८२

एबीसी
३४.५८
५३.५९

अग्रवाल
४३.७१
३०.०२

– यस समाचारको श्रोत : Online Khabar हो ।