पुँजी बजारको विकाससम्बन्धी विधेयक संसदमा दर्ता
२ भदौं, काठमाडौं। धितोपत्र सम्बन्धी (पहिलो संशोधन) विधेयक, २०८१ प्रतिनिधि सभामा दर्ता भएको छ ।
अर्थमन्त्री विष्णुप्रसाद पौडेलले हालैयो विधेयक प्रतिनिधि सभामा दर्ता गरेका हुन् ।
अर्थमन्त्री पौडेलका अनुसार पुँजी परिचालन तथा पुँजी बजारको विकास, लगानीकताएको हित, संरक्षण एवं नियमन लगायतका कार्यको लागि विधेयक ल्याइएको हो ।
नियामक निकायको रुपमा धितोपत्र ऐन २०६३ बमोजिम स्थापित नेपाल धितोपत्र बोर्डले संगठित संस्थाको धितोपत्र निष्कासन तथा कारोबारलाई व्यवस्थित र नियमन लगायतका कार्य गर्दै आइरहेको छ ।
विधेयक ल्याउनुपर्नाको कारणबारे अर्थमन्त्री पौडेलले भनेका छन्, ‘धितोपत्र निष्कासन र व्यवस्थित कारोबार तथा धितोपत्र बजारको प्रभावकारी नियमन गर्न विद्यमान कानुनी व्यवस्थालाई समसामयिक संशोधन गर्न आवश्यक भएकोले … ।’
मुलुकको आर्थिक विकासको लागि छरिएर रहेको पुँजी परिचालन गरी पुँजी बजारको विकास तथा प्रभावकारी नियमन गर्न आवश्यक भएकोले विधेयक ल्याएको अर्थमन्त्री पौडेलले बताएका छन् ।
– यस समाचारको श्रोत : Online Khabar हो ।