Main
पुलिसलाई सोझो सेटमा पराजित गर्दै हेल्प नेपाल शीर्ष स्थानमा
२४ जेठ काठमाडौं । आठौं प्रधानमन्त्री कप एनभीए भलिबल लिग अन्तर्गत पुरुष तर्फको खेलमा बिहीबार विभागीय टिम नेपाल पुलिसलाई पराजित गर्दै हेल्प नेपाल शीर्ष स्थानमा उक्लिएको छ ।
हेल्प नेपालले पुलिसलाई २५–२०, २५–२२ र २५–२० को सोझो सेटमा पराजित गरेको हो ।
हेल्प नेपाल र पुलिसले प्रतियोगितामा एक/एक खेलमात्र हारेका छन् । यसअघि हेल्प नेपाल बुधबार गण्डकी प्रदेशसँग पराजित भएको थियो ।
बिहीबार बिहान भएको महिला तर्फको खेलमा न्यू डायमन्डले कर्णाली खेलकुद विकास समितिलाई र एभरेष्ट क्लबले एपीएफ क्लबलाई पराजित गरेका छन् ।
पुरुषतर्फको पहिलो खेलमा एपीएफले कोशीलाई ३–१ को सेटमा हरायो ।
– यस समाचारको श्रोत : Online Khabar हो ।