पुलिसलाई हराउँदै आर्मीले जित्यो बुकी कप भलिबलको उपाधि
१७ पुस, काठमाडौं । विभागीय डर्बीमा नेपाल पुलिस क्लबलाई पराजित गर्दै त्रिभुवन आर्मी क्लबले बुकी कप भलिबलको उपाधि जितेको छ ।
बागलुङको गल्कोट नगरपालिका ६ मजुवाफाँटमा सोमबार भएको रोमाञ्चक फाइनलमा फाइनलमा आर्मीले पुलिसलाई ३-२ सेटमा पराजित गरेको हो ।
आर्मीले पुलिसलाई २७–२५, २२–२५, २१–२५,२७–२५, १५-६ ले हरायो ।
यस्तै गण्डकी प्रदेशलाई हराउँदै एपिएफ क्लब तेस्रो भएको छ ।
च्याम्पियन आर्ले नगद ५ लाख र ट्रफी जितेको छ । यस्तै पुलिसले २ लाख ५० हजार र एपिएफले १ लाख २५ हजार प्राप्त गरेको छ ।
आर्मीलाई च्याम्पियन बनाएका राष्ट्रिय टिमका कप्तान समेत रहेका स्पाइकर मान बहादुर श्रेष्ठ उत्कृष्ट खेलाडी घोषित भए ।
यस्तै विधागत तर्फ आर्मी र पुलिसकै वर्चस्व रह्यो ।
प्रतियोगिताको उत्कृष्टहरु
उत्कृष्ट खेलाडी : मान बहादुर श्रेष्ठ (आर्मी)
सेटर : दुर्गा महतो (आर्मी)
लिवेरो : ईश्वर थापा (आर्मी)
प्रशिक्षक : जगत सिंह (आर्मी)
स्पाइकर : पहल गहतराज (पुलिस)
ब्लकर – सफल विक (पुलिस)
सर्भर – रविन नगरकोटी (पुलिस)
– यस समाचारको श्रोत : Online Khabar हो ।