पूर्वप्रधानसेनापति थापाको निधन

३ जेठ, काठमाडौं । नेपाली सेनाका पूर्वप्रधानसेनापति धर्मपाल वरसिंह थापाको निधन भएको छ ।

छाउनीस्थित सैनिक अस्पतालमा उपचारका क्रममा बिहीबार बिहान ८५ वर्षको उमेरमा उनको निधन भएको सैनिक प्रवक्ता गौरव केसीले बताए । उनका अनुसार, फोक्सो सम्बन्धी समस्याका कारण थापा केही समयदेखि ग्रसित थिए ।

पछिल्लो पटक गएको सोमबार उनी छाउनी अस्पताल भर्ना भएका थिए । उनको पार्थिव शरीरलाई बिहीबार नै पशुपति आर्यघाटमा सेनाको एक टुकडीबाट अन्तिम सम्मानसहित अन्त्येष्टि गरिएको केसीले बताए ।

थापा २०१४ असोजमा नेपाली सेनामा भर्ना भएका थिए । उनी १ जेठ २०५२ देखि ३१ वैशाख २०५६ सम्म प्रधानसेनापति रहेका थिए ।

– यस समाचारको श्रोत : Online Khabar हो ।