चितवनमा यसरी खोजी भइरहेको छ नारायणीमा हराएको बस (तस्वीरहरु)

२९ असार, काठमाडौं । शुक्रबार बिहान ३ बजे मुग्लिन नारायणगढ सडक अन्तर्गत भरतपुर महानगरपालिका सीमलतालमा पहिरोले बगाएर नारायणी नदीमा खसाएको दुईवटा बस अझै भेटिएको छैन ।

केही दिनदेखिको अविरल वर्षाका कारण मुग्लिन नारायणगढ सडक खण्डमा लगातार पहिरो जाँदा सडक अवरुद्ध भइरहेको छ भने दुर्घटनामा मानवीय क्षति पनि भइरहेको छ ।

राजधानी काठमाडौं जोड्ने मुख्य सडकमार्ग पहिरो खसेर अवरुद्ध भइरहँदा धेरै सर्वसाधारणको बिजोग भइरहेको छ । नारायणी नदीमा शुक्रबार बिहान हराएको बस खोज्न नारायणी नदीमा सुरक्षाकर्मीहरु खटिइरहेका छन् ।

माथि सडकमा सर्वसाधारण र सवारी चालकहरु पनि दुर्घटनाग्रस्त क्षेत्रमा रोकिएर हेर्ने गरेका छन् ।

हेर्नुहोस् तस्वीरहरु

– यस समाचारको श्रोत : Online Khabar हो ।