Main
प्रधानमन्त्रीसँग छलफलमा कांग्रेस शीर्ष नेता
५ जेठ, काठमाडौं । नेपाली कांग्रेसका शीर्ष नेताहरू प्रधानमन्त्री निवास बालुवाटार पुगेका छन् ।
समसामयिक राजनीतिक घटनाक्रमबारे छलफल गर्ने पार्टी सभापति शेरबहादुर देउवासहित नेताहरू पूर्णबहादुर खड्का, गगन थाप र रमेश लेखक बालुवाटार पुगेका हुन् ।
सहकारी ठगीमा गृहमन्त्री रवि लामिछानेको संलग्नताबारे संसदीय छानबिन समिति गठन गर्ने विषयले चर्को रुप लिएपछि कांग्रेसले प्रधानमन्त्री प्रचण्डसँग छलफल गर्न लागेको हो ।
छानबिन समिति गठन हुननसक्दा संसद सञ्चालन हुन सकेको छैन । सोही विषयमा बिहीबार संसदमा धकेलाधकेलसमेत भएको थियो ।
पछिल्लो समय सत्ता पक्ष र प्रतिपक्षबीचको दूरी बढिरहेको छ ।
शुक्रबार नै कांग्रेस नेताहरूले प्रधानमन्त्री प्रचण्डसँग छलफल गर्ने तयारी गरेपनि आज भएको हो ।
– यस समाचारको श्रोत : Online Khabar हो ।
