बढुवा भएका दुई एआईजीलाई दर्ज्यानी चिन्ह प्रदान

७ मंसिर, काठमाडौं । प्रहरी नायव महानिरीक्षक (डीआईजी)बाट अतिरिक्त महानिरीक्षक (एआईजी)मा बढुवा भएका दुई अधिकृतलाई दर्ज्यानी चिन्ह प्रदान गरिएको छ ।

प्रहरी प्रधान कार्यालयमा आयोजित एक कार्यक्रमका बीच प्रहरी महानिरीक्षक बसन्तबहादुर कुँवरले दुइृ अधिकृतलाई एआईजीको दर्ज्यानी चिन्ह प्रदान गरेका हुन् । बिहीबारको मन्त्रीपरिषद् बैठकले एआईजी बढुवाका लागि सिफारिस भएका बुद्धिराज गुरुङ र केदार ढकाललाई बढुवा गर्ने निर्णय गरेको थियो ।

उनीहरुको बढुवासँगै अब डीआईजी र एसएसपी बढुवाको बाटो खुलेको छ ।

– यस समाचारको श्रोत : Online Khabar हो ।