बसिरको अलराउन्ड प्रदर्शनमा आर्मी विजयी
२५ फागुन, काठमाडौं । युवा अलराउन्डर बसिर अहमदको अलराउन्ड प्रदर्शनमा त्रिभुवन आर्मी क्लबले कोशी प्रदेश ट्रफी टी-२० राष्ट्रिय प्रतियोगितामा कर्णाली प्रदेशलाई ८ रनले हराएको छ ।
जितको लागि १४१ रनको विजयी लक्ष्य पछ्याएको कर्णालीले २० ओभरमा ६ विकेट गुमाउँदै १३२ रन बनायो ।
कर्णालीका दीपेन्द्र रावत ४६ बलमा ३ चौका र २ छक्कासहित ४७ रनमा नट आउट रहे । विपिन रावल १८, रविन्द्रजंग शाही २२ र हिमान्शु शाही १४ रनमा आउट भए ।
आर्मीका नितेश पटेलले सर्वाधिक २ विकेट लिए । तृतराज दास, बसिर अहमद, पवन कार्की र साहब आलमले १–१ विकेट लिए ।
त्यसअघि बैजनाथपुर क्रिकेट मैदानमा टस जितेर पहिला ब्याटिङ रोजेको आर्मीले २० ओभरमा ५ विकेट गुमाउँदै १४० रन बनाएको थियो ।
आर्मीका बसिर अहमदले ३८ बलमा समान २ चौका र छक्कासहित सर्वाधिक ४२ रन बनाए । सन्दीप रजाली ३४ बलमा १ चौका र २ छक्कासहित ४१ र सन्तोष कार्की ३४ रनमा आउट भए ।
कर्णालीका प्रकाश जैसीले २, दीनेश अधिकारी, दीवान पुन र दीपेन्द्र रावतले १–१ विकेट लिए ।
– यस समाचारको श्रोत : Online Khabar हो ।