गुल्मीमा आगो निभाउने क्रममा एक जना घाइते 

१७ फागुन, गुल्मी । गुल्मीको धुर्कोट गाउँपालिका- ४ मा बिहीबार दिउँसो  आगो निभाउने क्रममा जलेर  एक जना घाइते भएका छन् ।

स्थानीय नारायण पोखरेलको गोठमा लागेको आगो निभाउने क्रममा ३६ वर्षकी सीता बिक घाइते भएकी हुन् । उनके स्थानीय स्वास्थ्य संस्थामा उपचार भइरहेको प्रहरीले जानकारी दिएको छ ।

गोठमा कुँडो पकाउने क्रममा अचानक सल्किएर आगलागी भएको थियो । टिनको छानाको गोठमा आगलागी हुँदा एउटा भैंसी र पाडो पनि जलेर घाइते भएका छन् ।

आगलागीबाट करिब ४ लाख रुपैयाँ बराबरको क्षति भएको प्रहरीले जनाएको छ ।

– यस समाचारको श्रोत : Online Khabar हो ।