Main
मधेशका नवनियुक्त मन्त्री र राज्यमन्त्रीले लिए शपथ
२७ जेठ, जनकपुरधाम । मधेश प्रदेशका नवनियुक्त वन तथा वातावरण मन्त्री त्रिभुवन साह र विनाविभागीय राज्यमन्त्री महोम्मद सकिल मियाँले पद तथा गोपनियताको शपथ लिएका छन् ।
आइतबार वनमन्त्री साहले प्रदेश प्रमुख सुमित्रा सुवेदी भण्डारीबाट र राज्यमन्त्री मियाँले मुख्यमन्त्री सतिश सिंहबाट शपथ लिएका हुन् ।
गत शुक्रबार मुख्यमन्त्री नियुक्त भएका सिंहले सोही दिन १० मन्त्री र तीन राज्यमन्त्री नियुक्त गरेका थिए ।
शुक्रबार जनमतबाट विनाविभागीय राज्यमन्त्री बनेकी रञ्जु खंगलाई वन तथा वातावरण राज्यमन्त्रीको जिम्मा दिइएको छ ।
आजको विस्तारसँगै मधेश प्रदेशको मन्त्रिपरिषद् १६ सदस्यीय भएको छ ।
– यस समाचारको श्रोत : Online Khabar हो ।