बोटलर्स नेपाल तराईले सेयरधनीलाई प्रतिकित्ता ५० रुपैयाँ लाभांश दिने

६ मंसिर, काठमाडौं । बोटलर्स नेपाल तराईले सेयरधनीलाई नगद लाभांश घोष्पाणा गरेको छ । कम्पनीको सञ्चालक समिति बैठकले सेयरधनीलाई ५० प्रतिशत अर्थात् प्रतिकित्ता सेयर बराबर ५० रुपैयाँ नगद लाभांश दिने निर्णय गरेको हो ।

यो लाभांश साधारणसभाबाट पारित भएपछि मात्रै लगानीकर्ताले पाउने छन् । यस कम्पनीले नेपालमा कोकाकोला, फेन्टा, स्प्राइट लगायत पेय पदार्थ उत्पादन तथा बिक्री वितरण गर्दछ ।

यसअघि कम्पनीले सेयरधनीलाई ६० प्रतिशत नगद लाभांश प्रदान गरेको थियो । लगानीकर्तालाई उत्कृष्ट लाभांश दिँदै आएको यस कम्पनीको सेयर मूल्य बजार प्रतिकित्ता १४ हजार रुपैयाँ छ ।

– यस समाचारको श्रोत : Online Khabar हो ।