Main
भारतका कम्बोजले एकै इनिङमा लिए १० विकेट
३० कात्तिक, काठमाडौं । भारतको हरियाणा क्रिकेट टिमका बलर अंशुल कम्बोजले रणजी ट्रफीको एक खेलमा कीर्तिमान बनाएका छन् ।
तीव्र गतिका बलर अंशुल कम्बोजले केरलाविरुद्धको रणजी खेलको एकै इनिङ्समा १० विकेट लिने कीर्तिमान बनाएका छन् ।
भारतीय क्रिकेट कन्ट्रोल बोर्ड (बीसीसीआई) ले पनि सामाजिक सञ्जालमा पोस्ट गर्दै उनको उपलब्धीका लागि बधाई दिएको छ।
अंशुल रणजी क्रिकेटमा एकै इनिङ्समा १० विकेट लिने तेस्रो बलर हुन् । अन्तर्राष्ट्रियस्तरको कुरा गर्ने हो भने अनिल कुम्बले एकै इनिङ्समा १० विकेट लिने एकमात्र भारतीय बलर हुन् ।
अनिल कुम्बलेले सन् १९९९ मा दिल्लीमा पाकिस्तानविरुद्ध खेलेको टेस्ट म्याचको एउटै इनिङ्समा १० विकेट लिएर इतिहास रचेका थिए ।
– यस समाचारको श्रोत : Online Khabar हो ।