विवशको ह्याट्रिकमा जावलाखेलको पहिलो जित

१५ साउन, काठमाडौं । विवश दर्मालीको ह्याट्रिक मद्दतमा जावलाखेल युथ क्लबले ललित स्मृति एन्फा यू १८ युथ लिगमा पहिलो जित हात पारेको छ ।

सातदोबाटोस्थित एन्फा कम्प्लेक्समा मंगलबार भएको पहिलो खेलमा जावलाखेलले चर्च ब्वाइज युनाइटेडलाई ४-२ ले पराजित गरेको हो ।

जावलाखेलका लागि विवशले २५औं, ७०औं र खेलको इन्जुरी टाइममा गोल गरे । प्रशान्त तामाङले ३०औं मिनेटमा गोल गरे । चर्च ब्वाइजका लागि अमनबहादुर तामाङले ३५औं र पासाङ लामाले इन्जुरी टाइममा गोल गरे ।

पहिलो जितपछि जावालखेलले ५ खेलबाट ५ अंक जोडेर सातौं स्थानमा उक्लेको छ । जावलाखेलले ५ खेल खेल्दा १ जित २ बराबरी र २ खेलमा हारको नतिजा निकालेको छ ।

दोस्रो हार व्यहोरेको चर्च ब्वाइजको ५ खेलबाट ७ अंक छ र छैटौं स्थानमा छ ।

– यस समाचारको श्रोत : Online Khabar हो ।