बढुवा भएका चार प्रहरी अधिकृतलाई दर्ज्यानी चिह्न
३० वैशाख, काठमाडौं । प्रहरी नायव महानिरीक्षक (डीआईजी)बाट प्रहरी अतिरिक्त महानिरीक्षक-एआईजी)मा बढुवा भएका दुई र डीआईजीमा बढुवा भएका दुई गरी चार प्रहरी अधिकृतलाई दर्ज्यानी चिह्न प्रदान गरिएको छ ।
एआईजीमा बढुवा भएका उमेशराज जोशी र भिमप्रसाद ढकाल र प्राविधि डिआईजीमा बढुवा भएका नवीन्द्र अर्याल र देउती गुरुङलाई प्रहरी महानिरीक्षक (आईजी) वसन्तबहादुर कुँवरले दर्ज्यानी चिह्न प्रदान गरे ।
कुँवरले पदोन्नति भएका प्रहरी अधिकृतहरूले पदोन्नतिसँगै जिम्मेवारी वोध गरी संगठनको हितमा रणनीतिक रूपमा विशेष भूमिका निर्वाह गर्नुपर्ने बताए ।
आगामी दिनमा कुशल नेतृत्व प्रदान गर्न आग्रह गर्दै परिणाममुखी समन्वयका साथ सामुहिक प्रयास सहित संगठनको छवि र शिर उच्च पार्न भूमिका निर्वाह गर्नुपर्ने उनले बताए ।
पदोन्नति भएका वरिष्ठ प्रहरी अधिकृतहरूको तर्फबाट मन्तव्य व्यक्त गर्दै प्रहरी अतिरिक्त महानिरीक्षक उमेश राज जोशीले पदोन्नतिसँगै थपिएको जिम्मेवारी भरोसा, विश्वास र थप कर्तव्य वोधका साथ पूरा गर्ने बताए ।
– यस समाचारको श्रोत : Online Khabar हो ।