बार्सिलोना बराबरीमा रोकियो

२१ फागुन, काठमाडौं । स्पानिस ला लिगामा बार्सिलोना एथ्लेटिक विल्वाओसँग बराबरीमा रोकिएको छ । गएराति बिल्वाओको घरेलु मैदानमा भएको खेलमा बार्सिलोनाले गोलरहित बराबरी खेलेको हो ।

बराबरीपछि बार्सिलोनाले दोस्रो स्थानमा उक्लने अवर पनि गुमायो । जिरोना मालोर्कासँग पराजित हुँदा बार्सिलोनालाई दोस्रो स्थानमा उक्लने मौका थियो ।

तेस्रो स्थानको बार्सिलोनाको २७ खेलबाट ५८ अंक छ । समान खेलबाट ५९ अंकसहित जिरोना दोस्रो स्थानमा छ ।

जिरोना र बार्सिलोनाको नतिजाले शीर्ष स्थानको रियल मड्रिडलाई फाइदा पुगेको छ । रियलको २७ खेलबाट ६६ अंक छ ।

– यस समाचारको श्रोत : Online Khabar हो ।