Main
गृहमन्त्रीको राजीनामा माग्दै तरुण दलको राँके जुलुस
१० जेठ, काठमाडौं । नेपाल तरुण दलले गृहमन्त्री रवि लामिछानेको राजीनामा माग्दै राजधानीमा राँके जुलुस निकालेको छ ।
बिहीबार साँझ कोटेश्वरबाट अघि बढेको जुलुसका सहभागीले सहकारी ठगी प्रकरणमा लामिछानेले सत्ताशक्तिको अहँकार देखाएको भन्दै राजीनामा माग गरेका हुन् ।
जुलुस र कोणसभालाई कांग्रेसको भ्रातृसंगठन तरुण दलका अध्यक्ष विद्वान गुरुङ, केन्द्रीय सदस्य अशोक झा लगायतले नेतृत्व गरेका हुन् ।
तरुण दलले सहकारीको रकम अपचलन गर्ने गोर्खा मिडियाका अध्यक्ष जीबी राईको खोजी गर्न ढिलाइ गर्नुको कारण माग गरेको थियो ।
कान्तिपुर मिडिया ग्रुपका अध्यक्ष कैलाश सिरोहियालाई हिरासतबाट मुक्त गर्न समेत तरुण दल कार्यकर्ता र समर्थकले माग गरेको केन्द्रीय सदस्य अशोक झाले बताए ।
– यस समाचारको श्रोत : Online Khabar हो ।