मध्यरातमा मन्त्रालय भागबण्डा मिलेपछि मुख्यमन्त्री दाबी पेस गर्न पुगे सतिश सिंह
२५ जेठ, जनकपुरधाम । मधेश प्रदेशको नयाँ मुख्यमन्त्रीमा जनमत पार्टीका सांसद सतिश सिंहले दाबी पेस गर्न लागेका छन् । राति अबेरसम्म बसेको साझेदार दलको बैठकमा मन्त्रालय भागबन्डामा सहमति जुटेपछि मुख्यमन्त्रीमा दाबी पेस हुन लागेको हो ।
मधेशका मुख्यमन्त्री सरोजकुमार यादव पदमुक्त भएपछि प्रदेश प्रमुख सुमित्रा सुवेदीले शुक्रबार बिहान १० बजेसम्मको समय दिएर नयाँ सरकार गठनका लागि आह्वान गरेकी थिइन् । सरकारको नेतृत्व जनमतले गर्ने पहिल्यै सहमति भएपनि मन्त्रालय भागबन्डामा सहमति जुट्न सकेको थिएन ।
११ मन्त्रालय रहेको मधेश प्रदेशमा जनमतले मुख्यमन्त्रीसहित एउटा तत्काल बिनाविभागीय मन्त्रालय पाउने सहमति छ । त्यस्तै साझेदार दलहरुबीच एमाले भौतिक, शिक्षा, स्वास्थ्य र खेलकुद तथा समाज कल्याण, माओवादी केन्द्रलाई अर्थ र पर्यटन मन्त्रालय पाउनेछन् ।
नेकपा एकीकृत समाजवादीलाई कृषि, उर्जा तथा सिंचाइ, १-१ सिटको नेपाल समाजवादी पार्टीलाई गृह सञ्चार तथा कानुन र नागरिक उनमुक्ति पार्टीलाई श्रम तथा यातायात मन्त्रालय दिने सहमति भएको स्रोतले जानकारी दिएको छ ।
– यस समाचारको श्रोत : Online Khabar हो ।