Main
माकलबारीमा स्कुटर दुर्घटना हुँदा एक जनाको मृत्यु
२० कात्तिक, काठमाडौं । काठमाडौंको गोकर्णेश्वर नगरपालिका–८ माकलबारीमा स्कुटर दुर्घटना हुँदा एक जनाको मृत्यु भएको छ ।
मालकबारीस्थित सडकमा बा. प्र ०२–०१४ प २७२६ नम्बरको स्कुटर अनियन्त्रित भई सोमबार राति दुर्घटना हुँदा चालकको मृत्यु भएको प्रहरीले जानकारी दिएको छ ।
मृत्यु हुनेमा स्कुटर चालक गोकर्णेश्वर नगरपालिका–७ दक्षिणढोका बस्ने सिन्धुपाल्चोक स्याउले घर भएका २१ वर्षीय दिनेश तामाङ रहेका छन् ।
दुर्घटनामा गम्भीर घाइते भएका उनको शंखरापुर अस्पताल नारायणटारमा उपचारको क्रममा मृत्यु भएको हो ।
– यस समाचारको श्रोत : Online Khabar हो ।