माण्डु हाइड्रोपावरको नाफा १२ प्रतिशत बढ्यो

२१ वैशाख, काठमाडौं । माण्डु हाइड्रोपावरको नाफा १२ प्रतिशतले बढेको छ । कम्पनीले सार्वजनिक गरेको चालु आर्थिक वर्षको तेस्रो त्रैमासिक वित्तीय विवरण अनुसार यस अवधिमा खुद नाफा २२ करोड १५ लाख रुपैयाँ छ ।

गत आर्थिक वर्षको यसै अवधिमा १९ करोड ७२ लाख थियो । कम्पनीले विद्युत् बिक्रीबाट चालु आवको तेस्रो त्रैमाससम्म ५८ करोड २० लाख आम्दानी गरेको छ ।

पहिले यस्तो आम्दानी ५९ करोड ८५ लाख रुपैयाँ थियो । बिक्री आम्दानीमा आएको कमीका बाबजुत वित्तीय लागत र संचालन खर्चमा आएको कमीले नाफामा सुधार देखिएको हो ।

कम्पनीको वार्षिक प्रतिसेयर आम्दानी २१ रुपैयाँ ६६ पैसा छ । त्यस्तै प्रतिसेयर नेटवर्थ १४३ रुपैयाँ ५३ पैसा छ भने मूल्य आम्दानी अनुपात ३५.५ गुणा छ । बिहीबार बजार बन्द हुँदा यस कम्पनीको मूल्य प्रतिकित्ता ८२७ रुपैयाँ छ ।

– यस समाचारको श्रोत : Online Khabar हो ।