म्यानहन्ट इन्टरनेसनल नेपालको उपाधि अभिनव थापालाई
काठमाडौं । पुरुष सौन्दर्य प्रतियोगिता म्यानहन्ट इन्टरनेसनल नेपाल-२०२४ को उपाधि अभिनव थापाले जितेका छन् । काठमाडौंमा आयोजित ग्राण्ड फिनालेमा सेकेण्ड रनरअप दिलीप नेपाली मिस्टर इन्टरनेसनल नेपाल-२०२४ घोषित भए ।
युनिक तुलाधर थर्ड रनरअप घोषित भए । प्रतियोगिताका शीर्ष दुई विजेताले सम्बन्धित शीर्षकको अन्तर्राष्ट्रिय प्रतिस्पर्धामा सहभागी हुने अवसर पाउने जनाइएको छ ।
यो प्रतियोगितामा प्रशान्त ताम्राकार, सुशील श्रेष्ठ र ओसिमा बानु जजको रुपमा थिए । उनीहरुलाई टेन एक्सको तर्फबाट गिफ्ट ह्याम्पर र ट्री प्रदान गरिएको छ । ग्रुप अफ इभेन्ट इन्टरटेनर्सको आयोजनामा भएको यो म्यानहन्ट नेपालको १३ औं संस्करण हो ।
अघिल्ला संस्करणमा अनुपविक्रम शाही, विकल्पराज श्रेष्ठ, समिम खान, सनिश शाक्य, कानिज कोइराला, निर्जन थापा, रिकेशराज श्रेष्ठ, चन्दन अग्रवाल, सुरिध ज्योति र प्रशान्त ताम्राकारले उपाधि जितेका थिए ।
– यस समाचारको श्रोत : Online Khabar हो ।