Main
युद्धग्रस्त क्षेत्रमा रहेका नेपालीहरु फर्काउन सरकारसँग एमालेको माग
२१ माघ, काठमाडौं । नेकपा एमालेले युद्धग्रस्त देशहरुमा रहेका नेपालीलाई फर्काउन सरकारसँग माग गरेको छ ।
हिजो र आज बसेको संसदीय दलको बैठकले युद्धग्रस्त देशहरुमा रहेका नेपालीलाई फर्काउने प्रभावकारी कदम चाल्न माग गर्ने निर्णय गरेको हो ।
प्रमुख सचेतक पदम गिरीका अनुसार, बैठकले युवा पलायन रोक्नेगरी कार्यक्रम ल्याउन सरकारसँग माग गर्ने निर्णय समेत गरेको छ ।
बैठकले पार्टीका सांसदहरुलाई निर्देशनात्मक सुझाव पनि दिएको छ । संसद् र संसदीय समितिको बैठकमा नियमित उपस्थित हुन सांसदहरुलाई निर्देशन दिएको प्रमुख सचेतक गिरीले बताए ।
सँगै, कानुन निर्माण, संविधान कार्यान्वयन, सामाजिक न्याय, सुशासन, समृद्धि र राष्ट्रय हितका एजेण्डामा प्रभावकारी रुपमा संसदमा प्रस्तुत हुन पनि एमालेले निर्देशन दिएको छ ।
– यस समाचारको श्रोत : Online Khabar हो ।