यू-१८ युथ लिगमा थ्री स्टार र एपीएफ विजयी

४ मंसिर, काठमाडौं । ललित स्मृति एन्फा यू-१८  युथ लिगमा मंगलबार थ्री स्टार क्लब र एपीएफले जित हात पारेका छन् ।

सातदोबाटोस्थित एन्फा कम्प्लेक्समा भएको खेलमा थ्री स्टारले मछिन्द्र एफसीलाई २-० ले हरायो । थ्री स्टारका लागि विजय उरानले दुवै गोल गरे । उनले दुवै हाफमा गोल गरेका थिए ।

जितपछि थ्री स्टार १० खेलबा६ १६ अंक जोडेर पाँचौ स्थानमा उक्लेको छ । समान खेलबाट १८ अंकसहित मछिन्द्र चौथो स्थानमा छ । हारपछि मछिन्द्रले दोस्रो स्थानमा पुग्ने अवसर गुमायो ।

अर्को खेलमा एपीएफले संकटा एफसीलाई २-० ले हरायो । एपीएफका लागि पवन पाख्रिन र सुदिप सुनारले एक एक गोल गरे ।

जितपछि १० खेलबाट १६ अंक नै जोडेको एपीएफ छैटौं स्थानमा उक्लेको छ । थ्री स्टार समान अंक भएपनि एपीएफ गोल अन्तरमा पछि छ ।

संकटा १० खेलबाट १५ अंकसहित सातौं स्थानमा झरेको छ ।

दशौँ चरणपछि खेलतालिका:

– यस समाचारको श्रोत : Online Khabar हो ।