फर्स्ट माइक्रोफाइनान्सको सेयर बोनस घोषणा

१४ कात्तिक, काठमाडौं । फर्स्ट माइक्रोफाइनान्स लघुवित्त वित्तीय संस्थाले सेयरधनीका लागि लाभांश घोषणा गरेको छ ।

लघुवित्तको संचालक समिति बैठकले सेयरधनीलाई ९ प्रतिशत सेयर बोनस घोषणा गरेको हो । साथै सो बोनस सेयरमा लाग्ने कर प्रयोजनार्थ ०.४७ प्रतिशत नगद लाभांश छुट्याइएको कम्पनीले जनाएको छ ।

कुल ९.४७ प्रतिशत लाभांशस्वरुप ११ करोड ६८ लाख ८८ हजार रुपैयाँ प्रदान हुने कम्पनीले जनाएको छ । लाभांशअन्तर्गत कुल १ सय कित्ता सेयर हुनेले ९ कित्ता बोनस सेयर पाउने छन् ।

यो लाभांश आगामी साधारणसभाबाट पारित भएपछि लगानीकर्तालाई प्रदान गरिने कम्पनीले जनाएको छ । मंगलबार बजार बन्द हुँदा प्रतिकित्ता मूल्य ७७० रुपैयाँ छ ।

– यस समाचारको श्रोत : Online Khabar हो ।