एनआरएनए उच्चस्तरीय समिति बैठक ४ मंसिरमा

२७ कात्तिक, काठमाडौं । गैरआवासीय नेपाली संघ (एनआरएनए) उच्चस्तरीय समितिको पहिलो बैठक आगामी ४ मंसिरमा हुने भएको छ ।

एनआरएनए उच्चस्तरीय समिति संयोजक शेष घलेले जारी गरेको सूचना अनुसार एनआरएनएको सदस्यता, निर्वाचन तथा अधिवेशन प्रतिनिधि छनोट लगायत सबै विवाद समाधान गरी एकतापूर्ण महाधिवेशन गर्न परराष्ट्र मन्त्रालयको १ कात्तिकको पत्रका आधारमा उच्चस्तरीय समितिको पहिलो बैठक ४ मंसिरमा काठमाडौं बालुवाटारस्थित एनआरएनएको कार्यालयमा हुनेछ ।

सर्वोच्च अदालतले उत्प्रेषण परमादेश मुद्दामा २१ चैत २०८० मा गरेको फैसलापछि गठित उच्चस्तरीय समिति र उक्त समितिलाई दिएको आदेश कार्यान्वयन गर्न एनआरएनएलाई परराष्ट्र मन्त्रालयले एकतापूर्ण महाधिवेशन गर्न पत्राचार गरेको थियो । सोही अनुसार बैठक गर्न लागिएको हो ।

– यस समाचारको श्रोत : Online Khabar हो ।