Main
रामकृष्ण ढकालले ल्याए ‘फूलको आफ्नै कथा छ’को भिडियो
फूलको आफ्नै कथा छ
पातको आफ्नै कथा छ
मभित्र पनि दुखिरहने तिम्रो जस्तै व्यथा छ
गायक रामकृष्ण ढकालको स्वरको गीत ‘फूलको आफ्नै कथा छ’ का शब्द हुन् यी । सबैको जीवनका आ-आफ्नै कथा र भोगाइ हुन्छन् भन्ने भाव बोकेको यो गीतमा मणि भट्टराईका शब्द छन् भने बीबी अनुरागीले संगीत तथा एरेन्ज गरेका छन् ।
पाँच वर्षअघि नै सार्वजनिक भइसकेको यो गीतलाई रामकृष्णले शुक्रबार भिडियोसहित पुन: रिलिज गरेका हुन् । यो गीतका थुप्रै टिकटक भिडियो समेत बनेका छन् ।
धनेन्द्र रसाइलीले निर्देशन गरेको गीतको भिडियोमा रामकृष्ण आफैं फिचर्ड छन् । भिडियोमा राजेन्द्र विष्टको छायांकन तथा सम्पादन छ । भिडियो अमेरिकामा छायांकन गरिएको हो ।
रामकृष्णले शुक्रबार विश्व संगीत दिवसको अवसर आफ्नै युट्युब च्यानलमा यो गीत सार्वजनिक गरेका हुन् ।
– यस समाचारको श्रोत : Online Khabar हो ।