रामेछापमा जीप दुर्घटना हुँदा वृद्धाको मृत्यु, ९ जना घाइते   

२५ असार, मन्थली (रामेछाप) । रामेछापको मन्थलीबाट मन्थली नगरपालिका-७ कल्लेरीतर्फ गइरहेको प्रदेश ३-०१-०२३ च ३९२९ नम्बरको जीप दुर्घटना हुँदा एक वृद्धाको मृत्यु भएको छ ।

प्रहरीका अनुसार मंगलबार भएको  उक्त दुर्घटनामा नौ जना घाइते भएको प्रहरीले जनाएको छ ।

मृत्यु हुनेमा ६२ वर्षीया माया विक रहेकी छिन् । घाइते सबैको मन्थली अस्पतालमा उपचार भइरहेको जिल्ला प्रहरी कार्यालय रामेछापका प्रहरी नायब उपरीक्षक प्रदीपकुमार सिंहले जानकारी दिए ।

– यस समाचारको श्रोत : Online Khabar हो ।