रास्वपाबाट निर्वाचन आयोगमा गर्नुपर्ने हस्ताक्षरको अधिकार कार्यवाहक महामन्त्री बुर्लाकोटीलाई

२७ कात्तिक, काठमाडौं। राष्ट्रिय स्वतन्त्र पार्टीले निर्वाचन आयोगसँग सम्बन्धित कागजातमा पार्टीबाट हस्ताक्षर गर्नुपरेको अवस्थामा कार्यवाहक महामन्त्री कविन्द्र बुर्लाकोटीलाई जिम्मेवारी दिएको छ ।

मंगलबार विहान बसेको केन्द्रीय समितिको भर्चुअल मिटिङले कार्यवाहक महामन्त्री बुर्लाकोटीलाई उक्त अधिकार दिएको हो। निर्वाचनसँग सम्बन्धित विषयमा हस्ताक्षर गर्नुपरेको अवस्थामा कार्यवाहक महामन्त्रीलाई अधिकार दिइएको रास्वपा नेता गणेश पराजुलीले जानकारी गराए ।

बैठकमा पछिल्लो राजनीतिक घटनाक्रम, सभापति पक्राउको विषयलाई कसरी उठाउने लगायतमा छलफल भएको पराजुलीले जानकारी गराए। ‘राष्ट्रिय मुद्धालाई एकीकृत गरेर उठाउने बारेमा छलफल भएको छ, पराजुलीले भने,‘सडक र सदनबाट उठाउने मुद्धा के के तय बैठकमा चर्चा भएको छ ।

– यस समाचारको श्रोत : Online Khabar हो ।