Main
रियललाई ८ अंकको अग्रता
१४ फागुन, काठमाडौं । लुका मोडरिचले दोस्रो हाफमा गरेको गोल मद्दतमा रियल मड्रिडले स्पानिस ला लिगामा आइतबार राति सेभियालाई १-० ले पराजित गरेको छ ।
यस जितपछि रियलले दोस्रो स्थानको बार्सिलोनामाथि ८ अंकको फराकिलो अग्रता समेत बनाएको छ ।
घरेलु मैदानमा भएको खेलमा रियलका लागि ३८ वर्षीय मोडरिचले ८१औं मिनेटमा गोल गरे ।
त्यसअघि लुका भजक्वेजले गोल गरेपनि भिएआरले मान्यता दिएन ।
जितपछि रियलले २६ खेलबाट ६५ अंक जोडेको छ । दोस्रो स्थानको बार्सिलोनाको समान खेलबाट ५७ अंक छ ।
सेभिया २६ खेलबाट २४ अंकसहित १५औं स्थानमा छ ।
– यस समाचारको श्रोत : Online Khabar हो ।