Main
एपीएफले एएफसी महिला च्याम्पियन्स लिग खेल्ने
३२ जेठ, काठमाडौं । राष्ट्रिय लिग च्याम्पियन एपीएफले एएफसी महिला च्याम्पियन्स लिग खेल्ने भएको छ ।
एपिएफले २०७८ चैतमा चितवनमा भएको राष्ट्रिय महिला लिगको उपाधि जितेको थियो, जसका आधारमा एएफसी महिला च्याम्पियनसिप खेल्ने मौका पाएको हो । यो नेपाली महिला फुटबलमा ठूलो उपलब्धि भएको अखिल नेपाफ फुटबल संघ (एन्फा) ले जनाएको छ ।
एएफसी महिला च्याम्पियन्स लिग एसियाका कुल २२ देशका क्लबले खेल्नेछन् ।
प्रारम्भिक छनोटको खेल जोर्डन, मलेसिया, साउदी अरेबीया र थाइल्यान्डमा २५ देखि ३१ अगष्टसम्म हुनेछ । प्रारम्भिक छनोट खेल्ने टिमको समूह विभाजन भने जुलाई १८ मा घोषणा हुनेछ ।
समूह चरणको खेल भने अक्टोबर ६ देखि १२ सम्म हुनेछ ।
– यस समाचारको श्रोत : Online Khabar हो ।