चितवनको रामनगरमा बसको ठक्करबाट अटो रिक्सा चालक घाइते
२ मंसिर, काठमाडौं । चितवनको नारायणगढ-मुग्लिन सडकखण्डको रामनगरमा बसको ठक्करबाट अटो रिक्सा चालक गम्भीर घाइते भएका छन् ।
काठमाडौंबाट महेन्द्रनगर जाँदै गरेको ना८ख ८३५१ नम्बरको बसले विपरीत दिशामा रहेको बागमती प्रदेश ०३-००१ ह ६८० नम्बरको अटोलाई गएराति करिब १० बजे ठक्कर दिएको थियो ।
दुर्घटनामा अटो चालक चितवनको भरतपुर महानगरपालिका १ रामनगर बस्ने ३६ वर्षीय मेनचन्द्र गुरुङ घाइते भएका हुन् । उनलाई उपचारका लागि भरतपुर अस्पतालमा पठाइएको थियो । तर, त्यहाँ उपचार सम्भव नभएपछि थप उपचारका लागि राति साढे १२ बजे सीएमसी रिफर गरिएको छ ।
उपचारमा संलग्न चिकित्सकका अनुसार उनको शरीरको बाहिरी भागमा चोट नभए पनि भित्री भागमा चोट छ ।
प्रहरीले अटो रिक्सालाई ठक्कर दिने बस र बस चालक कञ्चनपुरको बेदकोट नगरपालिका ३ दैजीका ५० वर्षीय जगतबहादुर चौधरीलाई नियन्त्रणमा लिएको छ ।
– यस समाचारको श्रोत : Online Khabar हो ।