लकडाउन विरोधी जय भट्टाचार्यलाई एनआईएचको निर्देशक बनाउने ट्रम्पको घोषणा
एनआईएच विश्वकै सरकारी कोषमा आधारित सबैभन्दा ठूलो बायोमेडिकल अनुसन्धान संस्था हो। यो अमेरिकाको प्रमुख स्वास्थ्य अनुसन्धान तथा वित्त पोषण संस्थानहरूमध्ये एक हो ।
केनेडीले कोभिड-१९ खोपको कडा आलोचना गरेका थिए, जसका कारण चिकित्सा क्षेत्रका व्यक्तिहरूले उनको नाममा आपत्ति जनाएका छन् ।
ट्रम्पले डा. भट्टाचार्य र केनेडी जुनियरले राष्ट्रको चिकित्सा अनुसन्धानलाई मार्गदर्शन गर्न र स्वास्थ्य सुधारका साथै जनजीवन जोगाउन महत्त्वपूर्ण खोजलाई प्रबर्द्धन गर्ने दिशामा काम गर्ने विश्वास व्यक्त गरेका छन् ।
वाशिंगटन पोस्टका अनुसार, जय भट्टाचार्य हाल अमेरिकाको स्ट्यानफोर्ड विश्वविद्यालयमा नीति प्राध्यापकका रूपमा कार्यरत छन् । उनी नेशनल ब्यूरो अफ इकोनोमिक रिसर्चमा अनुसन्धान सहयोगीका रूपमा पनि कार्यरत छन्।
भट्टाचार्यको जन्म १९६८ मा भारतको पश्चिम बंगालको राजधानी कोलकातामा भएको थियो। उनले सन् १९९७ मा स्ट्यानफोर्ड विश्वविद्यालयको मेडिसिन स्कूलबाट एमडी डिग्री प्राप्त गरेका थिए।
सन् २००० मा उनले सोही विश्वविद्यालयको अर्थशास्त्र विभागबाट विद्यावारिधी सकेका थिए। उनी सन् २०११ देखि स्ट्यानफोर्डमा कार्यरत छन्।
– यस समाचारको श्रोत : Online Khabar हो ।