Main
ललितपुरको हात्तिवनमा बस खाल्डोमा पस्यो

१२ असोज, काठमाडौं । ललितपुरको हात्तिवनस्थित सडकमा बस भासिएको छ ।
बा २ ख ६८४८ बसको पछाडिको भागमा सडकमा परेको खाल्डोमा छिरेको हो ।
जिल्ला प्रहरी परिसर ललितपुरका डीएसपी तथा प्रवक्ता नरहरि रेग्मीका अनुसार बसको पछाडिको भाग खाल्डोमा परे पनि कुनै मानवीय क्षती भने भएको छैन ।
शुक्रबारदेखि निरन्तर परेको वर्षाका कारण सडकमा भ्वाङ पर्दा बसको पछाडिको भाग खाल्डोमा परेको हो । ललितपुरमा मात्रै बाढी पहिरोका कारण अहिलेसम्म १८ जनाको मृत्यु भएको छ भने १५ जना बेपत्ता छन् ।
– यस समाचारको श्रोत : Online Khabar हो ।