Main
लाइपिजगसँग बराबरी खेलेपछि रियल मड्रिड च्याम्पियन्स लिगको क्वाटरफाइनलमा
२४ फागुन, काठमाडौं । स्पानिस क्लब रियल मड्रिड युरोपेली च्याम्पियन्स लिगको क्वाटरफाइनलमा प्रवेश गरेको छ ।
प्रिक्वाटरफाइनल दोस्रो लेगमा घरेलु मैदानमै जर्मन क्लब आरबी लाइपिजगसँग १-१ को बराबरी खेलेपनि समग्रमा २-१ को नतिजासहित रियल अन्तिम ८ मा पुगेको हो ।
पहिलो लेगमा रियलले १-० को जित हात पारेको थियो ।
घरेलु मैदानमा भएको दोस्रो लेगमा रियलका लागि भिनिसियस जुनियरले ६५औं मिनेटमा गोल गर्दै अग्रता दिलाएका थिए । तर, ६८औं मिनेटमा विली ओब्रामले गोल गर्दै लाइपजिगको समभावना कायमै राखेका थिए ।
त्यसपछि भने दुवै टोलीले गोल गर्न सकेन ।
– यस समाचारको श्रोत : Online Khabar हो ।